Танилцуулга

БНСУ-ын GLOBAL VISION CHRISTIAN SCHOOL /GVCS/нь улс орныхоо ирээдүйн төлөө хариуцлага хүлээх чадвартай, дэлхийд манлайлах боловсон хүчинг бэлдэх зорилготойгоор 2003 онд үүсгэн байгуулагдсан бөгөөд БНСУ-ын Засгийн газраас албан ёсны зөвшөөрөлтэй алтернатив дунд болон ахлах сургууль юм.

Тус сургууль нь өнгөрсөн 20 жилийн хугацаанд 2000 орчим сурагчийг бэлтгэн төгсгөсөн бөгөөд тэд дэлхийн өнцөг булан бүрт сурч, олон улсын нэр хүндтэй компаниудад мэргэжлээрээ ажиллаж байна.

GVCS нь одоогоор гурван дотуур байр буюу кампус (Eumseong, Mungyeong, America), хотын төвд нэг кампустай (Sejong) үйл ажиллагаагаа явуулж буй юм. Тодруулбал, 2003 онд Eumseong кампус байгуулагдсан бол 2010, 2011 онд Mungyeong кампусыг байгуулсан. Тус сургууль нь 2012 онд БНСУ-ын Засгийн газраас алтернатив сургууль гэсэн албан ёсны зөвшөөрлөө авсан билээ. Ингээд 2015 онд АНУ-ын Pennsylvania мужид байгуулагдсан кампус нь одоо Мэрилэнд мужийн Broadfording-руу нүүж, Broadfording GVCS кампус нэртэйгээр үйл ажиллагаагаа явуулж байна. Америк дахь кампус нь сурагчдад сургалтын виз олгох бүрэн зөвшөөрөлтэй гэдгээрээ давуу талтай юм.

Дээр дурдсан кампусуудаас дотуур байргүй гэдгээрээ ялгаатай Sejong кампус нь бага ангийн сургалт явуулдгаараа онцлогтой бөгөөд 2020 он байгуулагдаж 2022 онд улсаас албан ёсны бүртгэлээ авсан юм.

Бидний тухай

GVCS нь элсэлтийн ерөнхий шалгалтын бэлтгэлд хэт их туйлширч анхаардаг БНСУ-ын боловсролын системийг дагалгүйгээр, сурагчийн зан чанарын төлөвшлийг нэн тэргүүнд тавьдаг бөгөөд таеквондогийн сургалтаар эрүүл биеийг бий болгохын зэрэгцээ дотуур байрны амьдралаар дамжуулан нийгэмтэй харьцах ур чадварыг хөгжүүлдэг.

GVCS-ийн төгсөгчид сүүлийн 20 жилийн хугацаанд бүтээлчээр сэтгэх чадвар, бие даан суралцах арга барилаар дамжуулан коллежийн элсэлтийн шалгалтад ямагт дээгүүрт эрэмбэлэгдэж байна. Энэ нь GVCS-ийн элсэлтийн мэргэжлийн Зөвлөх багш нарын хичээл зүтгэлийн үр дүн билээ

Мэндчилгээ

GVCS нь өнгөрсөн 20 жилийн туршлага, ололт, амжилт дээрээ үндэслэн БНСУ-аас гадна дэлхийн өнцөг булан бүрт үйл ажиллагаа явуулдаг дунд болон ахлах сургуулийн сурагчдыг өөрийн сургуульдаа суралцуулан тэдний мэдлэг боловсролд хувь нэмрээ оруулдаг дэлхийн шилдэг олон улсын сургууль болох зорилтыг дэвшүүлэн ажиллаж байна.

БНСУ-ын Засгийн газраас өнгөрсөн 2022 онд тодорхой шаардлага хангасан гадаад орны сурагчдыг өөрийн улсдаа суралцахыг зөвшөөрсөн шийдвэр гаргасан юм. Тиймээс GVCS нь гадаадын улс орнуудын дунд болон ахлах ангийн сурагчдыг өөрийн сургуульдаа суралцуулах чин хүсэлтэй байгаа юм.

Олон улстай харицах чадварыг чухалчилдаг GVCS нь өнөөг хүртэл Солонгос хэл, Солонгосын түүх, Таеквондогийн хичээлээс бусад бүх хичээлийг англи хэл дээр явуулдаг тул гадаад сурагчид ч хэлнээс болж завсардахгүйгээр үргэлжлүүлэн суралцах боломжтой. GVCS-ийн үзэсгэлэнт кампус дээр олон сурагчид шинэ соёлтой танилцаж, шинэ хэл сурч, өсөж хөгжих боломжид нэгдээсэй гэж хүсэж байна.

Үйл ажиллагаанууд

Хэрвээ таны хайсан асуулт доорх хэсэгт байхгүй бол бидэнтэй холбогдож илүү нарийн дэлгэрэнгүй мэдээлэл авах боломжтой бид танд туслахдаа үргэлж баяртай байх болно.

Шинэ улирал эхлэх бүрт GEM GVCS-ийн нийт хамт олон болон эцэг эх, сурагчид, багш нар нэг дор цугларч, боловсролоор дамжуулж сайн мэдээг түгээх үйлчлэлийнхээ алсын харааг хуваалцаж, шинэ улирлыг эрч хүчтэйгээр эхлүүлдэг сургуулийн хамгийн том цугларалт юм.

Сургуулийг бэлгэдсэн гурван өнгөөр сэдэвчлэн

  • цагаан: цэвэр
  • цэнхэр: алсын хараа
  • улаан: хүсэл тэмүүлэл

Дотуур байртай сургуулийн онцлогоос шалтгаалан сургуулийн гэр бүл нь гэр бүлээсээ хол байдаг сурагч, багш нарыг нэгэн гэр бүл болгож сургууль дээр байх хугацаандаа гэр бүлийн дотно харилцааг мэдэрч, сэтгэл санааны тогтвортой байдлыг эдэлж, сургуулийн гэр бүлийн янз бүрийн үйл ажиллагаагаар бие биеэ ойлгож, халамжилж, хамтран ажиллахад суралцдаг. Цаашилбал, зан чанарын өсөлтийг бий болгоход чиглэсэн сайхан хөтөлбөр юм.

Eumseong болон Mungyeong кампуст суралцаж буй сурагчид том хотуудын нэгт эцэг эх, сургуулийг сонирхсон хүмүүсийг урьж бэлэг, авьяасаа толилуулан харуулдаг соёл, урлагийн наадам юм.

Олон улсын сайн дурын ажлаар дамжуулан дэлхийн иргэн болж төлөвшүүлэх, олон улсын найрамдлыг дэмжих, олон улс руу чиглэсэн алсын харааг бий болгох, бусдад үйлчлэн илгээгдэх зүрх сэтгэлтэй болгох зорилготой хөтөлбөр юм.

Сургуулийн орчин